- பெரும்பூகம்பங்கள் -

என்றென்றோ 

பொங்கலுக்கும் 
தீபாவளிக்கும் 

 தவமாய்த்
தவமிருந்து பெற்ற  - சொற்ப 
விடுமுறை 
மணித்துளிகளை 

சொந்த ஊரில் 

கொண்டு சேர்த்த கணத்தில் 

அங்கிங்கெனாதபடி 

எட்டுத்திக்கிலிருந்து 

பதுங்கிப்பாயும் 

பணத்தேவைகள் 
அப்பொக்கிச மணித்துளிகளை 
அப்படி அப்படியே  

கொள்ளையடித்த  

வன்கொடுமைகளைத்தான் 

என் மன தேசத்தில் 

இடையறா நிகழும்  

பெரும்பூகம்பங்கள் என்பேன்!

பெரும்பூகம்பங்கள் என்பேன்!

-

வேடிக்கை மனிதர்

எங்கோ

எங்கெங்கோ

தூரதேசங்களில்

துயரதேசங்களில்

உறவு துறந்து

சுற்றம் தவிர்த்து - செல்வம்

ஒன்றெ ஒற்றைத்

துணையென  - மாயைப்

பொருலுலகினைச்

சுற்றிச்சுழலும்

தேசநலம் அற்ற

தன்னலவாதிகளைப் 

பாரீர் பாரீர் என 

நித்தம் தூற்றித் திரியும்

பேதைகள் யாரென

உற்றுப் பார்த்தால் தெரியும்

தாம் பிறந்து

வளர்ந்து சுகித்த

மண்ணைவிட்டு

ஊருக்குதவாமல்

தொலைதூர

பெருநகரங்களில் - அதன்

காங்க்ரீட்காடுகளில்

மனிதம் மறந்து

மனம் பொசுங்கி

தன்னகமெங்கிலும் 

பொறாமை போற்றி 

உள்ளத்தனைய உயர்ந்தோரை 

தூற்றித்தூற்றித்

திரியும் சில

வேடிக்கை மனிதர்கள்தாம்
அவர்கள் என.