வண்ணத்துப்பூச்சியின்
வண்ணத்தினுள்ளே
உறைந்துதொ லைந்திருந்த என் மனம்
அன்றொரு நாள்
என் விழிகள்தனை
மற்றுமொருமுறை
தானமாக கேட்டது
அய்யகோ
நான் இம்முறைஎன் செய்குவேன்
விழிகள் தான்
எப்பொழுதோ ஒருமுறை
வண்ணத்தினுள்ளே
தொலைந்து விட்டதே
இம்முறை
என்மனப்பிரபஞ்சத்தில் மொளனவீச்சாய்
விரவியிருந்த
மதியென்னும் மாயவலைகளை
ஒன்றிணத்து
விழிகளுக்கு -
அதன் மொழிகளுக்கு
பதிலீடு செய்திருந்தேன்
இப்போதெல்லாம்
தினமும்
கனவுச்சோலைதனில்
வண்ணத்துப்பூச்சிகளை காண்கிறேன்
ஆனால்
அதன்
வண்ணங்களை
காண முடிவதில்லை
என் மன
எண்ணங்களை
காண முடிவதில்லை
1 comment:
வண்ணத்துப்பூச்சி நின்
மனம் மயங்கியதேனோ!
விழிகள் தொலைந்த பின்
வண்ணங்களைத் தேடுதல் முறையோ!
மனம் தொலைந்த பின்
எண்ணங்களும் வரக்௬டுமோ!
தொலைந்த நின்
மனதையும் விழிகளையும்
கண்டறிய விழைவதில்லையோ!
தொலைவதும் சரிதானோ?
தொலைந்ததில் சுகம்தானோ? !
Post a Comment